Över uns Krankenhuus

Uns Krankenhuus hett een langen Tradition

Daarüm is dat NW-Krankenhuus de Minschen vertroot, de rundümto wahnt - wi hört eenfach d`rto. Un dat is ok in de wieder Kuntreii so. Egentlik kennt se Sanderbusch över Grenzen weg.

De Lü, de hier warkt, könt allerhand un weet vööl. Se lehrt ok nie ut. Un wat se doot, dat doot se geern. Een modern medizintechnischen Utstattung ünnerstützt hör daarbi.

Man dat Wichtigst is de Minsch. He steiht immer in d‘ Middelpunkt. Towennung un Andeelnahm, Drapen in een frünnelken Atmosphäär un alltied een apen Ohr schall hör helpen, dat se fix weer up´n Damm sünd.

Daarüm sünd Se bi uns in good Hannen.

Uns Kliniken warkt eng tohoop. Dat is wichtig, wenn wi gau helpen willt. Se hebbt sük spezialiseert up:

• Krankheiden, de mit Luft halen, de Lung, Nieren un Allergien to doon hebbt

• Lieden van dat Hartkreisloopsystem as Hartklabastern, de Bloodgefäßen, de bloodbilden Organen, de Verdauungsorganen un de Stoffwessel, de Bewegungsapparat, Last van Tumoren of van dat Immunsystem.
• Intensiv-medizinisch Plegen bi akuut Notfallen
• Minimalinvasiv Endoprothetik, Revisionschirurgie van dat Kneegelenk un van de Hüft so as ok dat Versörgen van Swaarverletzten inklusiv Beckenchirurgie.
• Last van de Brägen, Rüggenmark un de Muskulatur. Een Slag behannelt wi na de neest Wetenskap up een besünnerken Station (Stroke Unit).
• Speziell Orthopädie, Kinnerorthopädie un Rheumaorthopädie