Titelbild

Sanderbusch op Platt

In egen Saak

Bi uns in Sanderbusch gifft dat noch vööl Lü, de Platt snacken könt. Un noch mehr verstaht Platt. Vööl geiht lichter. Vertroon wurd gauer upboot. Dat is dat Moi an Sanderbusch. Un wi willt, dat dat so blifft. Wenn Se also Platt snacken willt, man to.

Uns Internetsieden sünd meestendeels mit Frömdwöör spickt. Dat is fakentieds ’n  beten vigelinsch up Platt to översetten. Daarüm kunnen wi bloots een poor daarvan in Nedderdüütsch schrieven.

Man hier noch eenig Tipps, wo Se sük up uns Sieden torecht finnen könt:

Boven up de Sieden finnt Se een kumpletten Överblick över dat, wat för Sanderbusch wichtig is. Darünner sünd anner Sieden, de dat noch akraat beschrievt.

Üm de Artikels to finnen, de Hör intresseert, könt Se glieks hier of up jeder anner Sied links in dat Feld ‚Suchen‘ dat Woord ingeven, dat Se söökt. Bloots up Hoogdüütsch. Fakentieds finnt Se denn rechterhand een Striep mit Informationen un Naams un de Pingelnummer van de Fachlü, de Se anropen könt, wenn Se to disse Saak wat weten willt. 

Denn hebbt wi een Nakieksel. Dat wurd „Glossar“ nömt. Daar wurd verkloort, wat mennigeen Woord bedüden schall. 

Daarto gifft dat noch de Rubrik „Pressemitteilungen“. Daar könt Se nalesen, wat de Lü in Sanderbusch so maakt.  

Nu veel Pläseer un holl‘ S‘ sük munter!